Shënim: Sa duhet të gëlltitë Kosova veç për të ndenjur (edhe urtë) në stolin e bisedimeve Thaçi-Daçiç?

Njësoj sikur një subjekt minoritar të paraqitej në zgjedhjet në Shqipëri me emrin “Aleanca për Greqinë”, serbët e Kosovës kanë paraqitur listën “Srbija”, një listë unike e cila do të përfaqësojë serbët e Kosovës në këto zgjedhjet dhe është dorëzuar nga subjekti politik, Iniciativa Qytetare “Srbija”. Sipas Zërit, ajo ka mbështetjen direkte nga Beogradi zyrtar e përpiluar në bazë të preferencave të qeverisë serbe. Ajo nuk paraqet asgjë përveçse një grushti tjetër tallës me institucionet e Kosovës, pas atij që u kërkonte të hiqnin simbolet nga fletët e votimit e që u mbështet pa ekuivok nga pjesa më e njohur e lidershipit kosovar, përjashto Vetëvendosjen.

Po sot, subjekti politik “Partia e Fortë” ka vendosur që të kushtëzojë pjesëmarrjen në zgjedhjet e 3 nëntorit me ndryshim brenda 48 orëve të ardhshme të vendimit për heqjen e stemës së Republikës së Kosovës nga fletëvotimet e 3 nëntorit si rezultat i kushtëzimit nga ana e kryeministrit serb Daçiç në negociatat e Brukselit.

k.cukali