Rubena Moisiu thotë se abortin selektiv “e aplikojnë edhe intelektualët”: “Një femër e pretendojnë 5 meshkuj. Katër do të mbeten pa martuar. Pra favorizon kriminalitetin”

Në Shqipëri djemtë mbeten të preferuarit e prindërve. Aq sa aborti selektiv vijon të jetë problem prezent, jo siç mund të mendohet rëndom, në zonat rurale, por kudo në vendin tonë. Ja se çfarë thotë Rubena Moisiu, drejtoreshë e maternitetit ”Koço Glozheni” në një intervistë për gazetën “Dita”: “Pjesa më e madhe, por jo të gjitha, janë nga zonat rurale, por kjo nuk do të thotë që nuk ka nga zonat urbane. Unë kam në praktikën time personale, edhe koleget e mia po ashtu kanë, raste që nga zonat urbane, njerëz intelektualë, të diplomuar me shkollë të lartë, të cilët e kërkojnë këtë për hir të gjinisë; mund të kenë dy vajza apo tre dhe të tretin apo të katërtin nuk e duan më të njëjtën gjini”. Më interesante është ajo që thotë dr. Moisiu për pasojat e kësaj demografie të planifikuar. “Mendoni që është një femër të cilën e pretendojnë 5 meshkuj. Do e marrë njëri, katër të tjerë do të mbeten pa martuar. Pra favorizon kriminalitetin dhe prostitucionin. Dhe janë dy të këqija të cilat në të ardhmen, e sigurt që do të dëmtojnë gjithë shoqërinë”, thotë Moisiu.
http://www.gazetadita.al/moisiu-ka-edhe-intelektuale-qe-abor...
s.z