Prapaskena: Kur Rama kaloi nga “Po” në ”Jo”

Aida Nako, ka ndërtuar sot te Dita një dinamikë të brendshme të zhvillimit të situatës mbi armët kimike. Analiza përfshin burimet publike dhe ato të brendshme, për të ndërtuar një skenar se çfarë ndodhi në prapaskenë.

Interesant është pasqyrimi I momentit kur Rama kaloi nga “po” në “jo”. Sipas Nakos, ky kalim me gjasa nuk ka qenë i papritur për amerikanët. “Stafet e tyre njihen për ndërtimin e profileve psikologjike shumë të sakta të udhëheqësve në vende të tjera. Amerikanët kanë dizajnuar me kohë një mungesë në vetitë prej lideri të Ramës: Rama në fakt e ka vështirë të marrë vendime në kushte presioni. Dhe Arvizu e zbuloi padashur këtë detaj: “Ai duhet të marrë vendimin sepse organizata, vendimi i këshillit jepet nesër. Rama është i informuar për këtë datë dhe shpresoj që ai të marrë vendimin që të jetë i favorshëm, por të kuptojë që ai është personi që duhet të marrë vendimin…” – tha ai. Kam folur tre herë sot me të dhe sigurisht ky është një vendim i vështirë, por që duhet marrë dhe ne do ta respektojmë atë – tha ambasadori duke zbuluar kështu që ajo ditë kur ai dha në darkë intervistën ka qenë dita kur Rama ka nisur të jetë i paqartë dhe i paqëndrueshëm për amerikanët. Kishte nisur të ndryshonte mendje. Flitet që një natë më parë kishte patur dhe telefonatën e dytë nga sekretari Kerri, por kjo është e pamundur të konfirmohet zyrtarisht.”

k.c.

E plotë:

http://gazetadita.al/armet-kimike-cfare-ndodhi-ne-prapaskene/