Perëndimi bojkoton festimet e 9 majit në Moskë. Disa vende “dalin nga rreshti”. Shqipëria? M. e Jashtme: “Nuk kemi patur ftesë”

Europa dhe Rusia ndahen edhe në përkujtimin e 9 majit, Ditës së fitores mbi nazizmin, e konsideruar edhe si ditë e Europës. Ministri i Jashtëm rus, Sergei Lavrov u shpreh dje se deri më tani janë 26 liderë të vendeve të ndryshme që kanë konfirmuar pjesëmarrjen e tyre në festimet që do të zhvillohen në Moskë. Në listë përfshihen edhe përfaqësues të UNESCO-s dhe Këshillit të Europës. Sipas agjencisë ruse shumë liderë kanë konfirmuar pjesëmarrjen, pavarësisht presionit amerikan, ndërkohë që kancelarja gjermane, Merkel, kryeministri britanik, Cameron, por edhe presidenti i KE-së, polaku Donald Tusk, kanë refuzuar ftesat, duke u justifikuar me krizën ukrainase. Për krahasim vlen të kujtohet se në ceremoninë e zhvilluar disa muaj më parë në Normandi, presidenti rus, nuk mungoi. Po Shqipëria? I pyetur nga “ResPublica”, këshilltari për mediat i ministrit të Jashtëm, deklaroi se: “Nuk ka patur ftesë”. http://sputniknews.com/russia/20150317/1019605623.html