Përballje Veliaj-Berisha për martesat. Ministri Veliaj shfaqet identik si kundërshtari: “Ne të paktën s’jemi martuar me kushërirat”

Sot në seancën plenare është zhvilluar një debat mes ish-kryeministrit Sali Berisha dhe ministrit të Mirëqenies Sociale, Erjon Veliaj, kandidat i PS-së përe 21 qershorit në Tiranë. Berisha ka akuzuar Veliajn për eksodin e shqiptarëve, duke i përmendur edhe akuzat e njohura për shpenzimet e dasmës së tij, për të cilën u përfol në disa media se ishte realizuar me para publike. Vetë Veliaj ka deklaruar se dasma eshtë zhvilluar me kursimet e nënës, deklaratë kjo që është bërë shkak për ironinë e ish-kryeministrit. Dhe përgjigja e ministrit të Mirëqenies ka qenë për ironi, alla Berisha: “Ti e ke të vështirë të flasësh për martesat. Ne të paktën s’jemi martuar me kushërirat”, tha Veliaj. Aludimi është për martesën e parë të djalit të Berishës, por të vihet re se ministri e përcjell rastin e vet, nën një emërues moral që sipas tij karakterizom të gjithë partinë ku aderon. Veliaj flet me “Ne”, duke konsumuar gjithsesi një faull publik, sa kohë, që teksa tenton të ulë ish-kryeministrin, shfaqet identik me të në prezantimin publik.
s.z