Mihajlloviçi Ljajiçit: Nuk don të këndosh himnin? Nuk ke vend në kombëtare

Adem Ljajiç është futbollist i Fiorentinës (dy javë para e të mbyllej Serie A në Itali, ai ish viktimë e një agresioni nga ana e trainerit të vet, Delio Rossi); është me shtetësi serbe, por i fesë myslimane. Ka lindur dhe është rritur në Novi Pazar, një qytet në kufi me Kosovën, ku gjenden me shumicë boshnjakë e myslimanë (në fakt, në harkun e dekadave të fundit është ulur në përqindje numri i boshnjakëve myslimanë, nga 50% që ka qenë në vitet ‘960 në 20% sot).

E bëmë këtë shpjegim për të kuptuar më mirë ‘hallin’ që e ka zënë. Traineri  i kombëtares serbe, Sinisha Mihajlloviç, e ka përjashtuar nga kombëtarja. Motivi i përjashtimit nuk është i natyrës sportive; është i një natyre ideologjike, më saktë patriotike. Ai nuk ka pranuar të këndojë himnin nacional serb para ndeshjes së të shtunës Serbi-Spanjë. “Pse nuk e këndon himnin?’, e ka pyetur Mihajlloviçi. “Kam arsyet e mija personale, dhe nuk kam ndërmend ta këndoj ndonjëherë”, ish përgjigja. “Ok, në kombëtare nuk ke më vend:, ia preu traineri, që e ka futur si kriter disiplinor recitimin e himnit.

Re.Pu.