Martesat gay, Harasani flet amerikançe: Adami dhe Eva, jo Adami dhe Stivi

U prononcua kundër ligjërimit të martesave gay sipas propozimit të Avokatit të Popullit, edhe ish deputeti socialist Andis Harasani.  Qëndrimi siç është bërë zakon, u shpreh përmes një postimi në fb, ku ai bën thirrje që të gjithë t’u thonë “jo” nismave të tilla. Harasani rendit arsyet: “1. Nuk është martesë, 2. Është kundër ligjeve të natyrës, 3. Në çdo rast do privojë një fëmijë nga nëna ose nga babai, 4. Promovon stilin e jetës homoseksuale, 5.Kthen një devijim moral në një të drejtë civile, 6. Nuk krijon familje, por një Bashkim natyror steril, 7. Detyron shoqërinë ta pranojë homoseksualitetin dhe në fund ai mendon se një martesë e tillë fyen Zotin”, dhe veç këtyre, ish deputeti shtie në punë dhe një batutë popullore në SHBA për këtë çështje: “Mos harroni. Jeta fillon me Adamin dhe Evën dhe jo me Adamin dhe Stivin”. Sigurisht, shprehja humbet rimën që ka në shqiptimin anglisht, por mesazhi është po ai.

a.k