M. Nano nuk ka besim që do të ketë “konkurse” dhe flet për çmendurinë e ri-emërimeve të çdo institucioni

“Lojë me ndyrë me administratën” e quan Mustafa Nano atë që po ndodh me emërimet në një shkrim te Dita.

Shkruan ndër të tjera Nano:

“...nuk kemi thënë asgjë që këto përgjegjësi u panë si poste politike, me fjalë të tjera si poste që kryeministri na i paska në dorë dhe na i shpërndaka si karamele të tijat. Ai pra, tok me ministrat e linjës, na paskan në dorë që të emërojnë cilin të duan drejtor të Tob-it, të Teatrit Kombëtar, të Galerisë së Arteve, të Tatimeve, të Doganave, të Albpetrolit, të Qëndrës Spitalore Universitare, të qytetit ‘Studenti’, të CEZ-it, të ANTA-s, të policive distriktuale, të Televizionit Publik, të ATSH-së, etj, etj, etj. Përsëris, kjo është çmenduri ta mendosh, por ja që në Shqipëri është tamam kështu. Kryeministri dhe ministrat kanë dorë të lirë në emërime, ashtu siç kanë dorë të lirë në shpërndarjen e investimeve publike dhe në caktimin e kompanive të biznesit që do duhet t’i kryejnë këto investime. Ky po që është pushtet. Edhe vetë Zoti atje sipër do ta kishte zili këtë fuqi të këtyre “Zotërve” këtu poshtë.”

Nano nuk ëshët kundër ikjes së militantëve nga adminsitrata, por priste që “nëpunësit e rinj të dilnin, jo nga ushtria e militantëve të majtë, por nga konkurset” dhe citon burime që thonë se Rama paskësh thënë në një takim me anëtarët e grupit parlamentar socialist: “U bë, ç’u bë, tani e tutje do të ketë konkurse”. Por, Nano nuk e beson që do të ndodhë.

k.c.

http://gazetadita.al/kur-do-te-marre-fund-loja-e-ndyre-me-administraten-publike/