Luan Rama: “Vrasësi” nga Skrapari është i çmendur me kartelë. Çdo tentativë për dhunë nga opozita, do të përballet me forcën e organeve të rendit
Precipitimi në dhunë i protestës së opozitës nuk do të tolerohet. Kështu u shpreh sekretari i Përgjithshëm i LSI-së, Luan Rama gjatë një konference për shtyp ku bëri publike një kartelë mjekësore të ish-oficerit Petrit Çinari, i përmendur nga Tom Doshi së fundmi si një person i porositur nga babai i Ilir Metës për vrasjen e tij. Rama tha se ligji shqiptar e dënon keqpërdorimin e të sëmurëve, ndaj dhe i kërkoi Prokurorisë t’i japë fund parodisë që sipas tij po luhet nga Doshi.
Deputeti i Shkodrës publikoi të martën një status ku shprehej se një vit e gjysëm më parë, babai i Ilir Metës kishte thirrur në Gjirin e Lalzit, ish-oficerin Petrit Çinari ku i kishte kërkuar ekzekutimin e Doshit, por ai e kishte refuzuar.
I pyetur për deklaratën e kreut të grupit parlamentar të Partisë Demokratike, Edi Paloka se opozita nuk do të mbajë përgjegjësi për reagimin e qytetarëve në protestë, sekretari i LSI-së tha se nuk besonte se Saliu do t’i kundërvihet me dhunë vullnetit të qytetarëve.
l.m
Comments
Babai i Metes??? Sa vjec e ka
<p>Babai i Metes??? Sa vjec e ka babane Meta? Po te ishte vrasje mafiozesh nuk ngeli ne duart e 80 vjecareve kjo pune... Opozita akuzon shpesh qeveritaret dhe LSI per lidhje me Mafian. Nese amatore te tille qe nuk bejne punen per te cilen u paguan apo ish-oficere (te ndershem) shoke te plakut 70-80 vjecar te Ilir Metes opozita i quan "Mafie", qeveritaret tane qenkan shume here me paqesore sesa jane akuzuar deri me sot!</p>
Add new comment