Ja ç’ka mbetur për aleatët “e pazëshëm” të Ramës: 9 zv.ministra dhe dy prefektë

PSD e Skënder Gjinushit, PDS e Paskal Milos, PSV ‘91 e Petro Koçit, AP e Artur Dojakës, kristiandemokratët e Mark Frrokut (që thotë se po negocion për t’u bashkuar me Ndokën), apo edhe Ligj dhe Drejtësi e Spartak Ngjelës nuk kanë marrë asnjë post të lartë politik, qoftë ky në kabinetin qeveritar, pra ministra e zëvendësministra, por as edhe në rang drejtorësh. Gazeta Mapo thotë se burime pranë këtyre forcave tregojnë se ata jo vetëm që s’kanë marrë asgjë deri më tani nga ndarja e pushtetit, por as që janë kontaktuar fare nga përfaqësuesit socialistë. I vetmi që ka shpërthyer me kritika të hapta ka qenë Ngjela. Gjithsesi, edhe nëse Rama do vendosë që të respektojë aleatët e pakënaqur, ajo që mbetet për t’u ndarë atyre është shumë pak. Kjo pasi në total janë në dispozicion edhe 9 poste zv/ministrash për të ndarë, ndërkohë që sa i përket drejtorive, ka mbetur pa u caktuar ende emri i drejtorit të ri të Policisë së Shtetit, apo edhe kreu i Agjencisë së Kthimit dhe Kompensimit të Pronave.

Postet vakante

Dy zv/ministra te Drejtësia

Dy zv/ministra te Financat

Një  zv/ministër te Zhvillimi Urban

Një zv/ministër te Turizmi

Një zv/ministër te Zhvillimi Ekonomik

Një  zv/ministër te Mbrojtja

Një zv/ministër te Kultura

Një zv/ministër te Transporti

Prefekti i Vlorës

Prefekti i Lezhës

a.k