Ish-ministri Noka e akuzon, deputetja Xhuvani sjell djalin në Parlament si dëshmi

Kjo e Lazaratit po nis të ngjajë për disa gjëra me atë proverbin e kumbullave të tharta, që të tjerë i hanë e të tjerëve u mpihen dhëmbët. P.sh historia e përfshirjes në listë të djalit të deputetes Luiza Xhuvani në grupin e njerëzve që qëllonin ndaj policisë në Lazarat ka disa ditë që vjen vërdallë në skenën politike dhe në media. Por sot ish-ministri i Brendshëm Flamur Noka ka hedhur një fjalë tjetër provokuese: “Atje po gjuan djali i Luiza Xhuvanit. Nëse nuk ka qenë, sille djalin për 30 minuta këtu dhe ti kërkojmë ndjesë”, i tha Noka deputetes socialiste. Dhe kjo e fundit i ka telefonuar të birit që ka mbërritur në godinën e Parlamentit ku edhe ka dalë që ta presë. Pra i biri nuk ishte në Lazarat, pasi megjithë investimet në rrugë që ka bërë qeveria e kaluar, nuk kishte sesi të vinte për 30 minuta në Tiranë. Këtu lind një problem jo pak i rëndësishëm. Parlamenti shqiptar është tashmë me siguri vendi ku serioziteti mund të shpresohet vetëm te saktësia e atyre që thuhen. Ndaj është e çuditshme kjo pasaktësi në informacion e z. Noka, që pati sukses të merituar me çështjen e sms-së së kryeministrit.

http://www.balkanweb.com/kryesore/1/noka-djali-i-luizes-po-gjuan-ne-laza...

s.z