Gjykata kushtetuese mund ta blindojë mandatin presidencial të Atifete Jahjagës

Para se të binin në ujdi për ta zgjedhur Presidente të Republikës së Kosovës, Atifete Jahjaga ish zv.drejtoreshë e policisë. Ajo është diplomuar si juriste, por disa kurrse e specializime e bënë të futej në shërbimin policor, deri sa më prill të vitit 2011 u mor vesh se “ajo kish lindur me këmishë”. Rrethanat, por dhe ca aftësi të sajat, deshën që ajo të binte në sy të amerikanëve, t’u fitonte zemrën këtyre të fudnit, e nën ndikimin e tyre, pas peripecisë presidenciale të Behgjet Pacollit, të zgjidhej në kreun e Republikës. Të gjitha mund t’i kish çuar në mendje deri në atë moment, mund të kish menduar edhe se mund të bëhej gruaja e Tom Cruise-it, por kurrë s’e kish menduar se do të bëhej Presidente e Kosovës. U bë, megjithatë. Madje, u bë një presidente simpatike.

Ka dy rrethana të tjera, që synojnë ta largojnë nga posti i Presidentes. Së pari, komisioni i ca ndryshimeve kushtetuese ka rënë në një mendje të fusin një amendament, me anë të të cilit të shpallin zgjedhjet presidenciale (me votim të drejtpërdrejtë) gjashtë muaj pas këtyre ndryshimeve, dhe së dyti një marrëveshje mes Jahjagës dhe forcave politike, me anë të së cilës është rënë dakord për largimin e saj pas ndryshimeve kushtetuese.

Mirëpo, Jahjaga po pret që gjykata kushtetuese, mbi bazën e një kërkese të vetë Jahjagës, të vendosë nëse mund t’i ndërpritet mandati pas ndryshimeve. Dhe gjasat janë, sipas Radio Kosovës që i referehohet burimeve brenda kësaj gjykate, që Ahtifete Jahjaga të mbetet Presidente.

Re.Pu.