Familja Taçi shfaqet në mjediset e klubit të Parmës. Mediat: Po kontrollon llogaritë para finalizimit të blerjes

Anika Taçi, motra e biznesmenit shqiptar të naftës Rezart Taçi është pikasur nga mediat italiane në ambientet sportive të klubit të Parmës, Collecchio, ku duket se ka mbërritur për të analizuar dokumentacionin dhe për t’u kujdesur për bilancet dhe llogaritë. “Administrimi u është besuar njerëzve të biznesmenit të naftës,  që përmes të motrës po e merr në pronësi Parmën gradualisht”, shkruan La Gazzetta di Parma. Pasi të kenë analizuar llogaritë, njerëzit e Taçit pritet të japin dritën jeshile për të zgjedhur drejtuesit e rinj të Parmës, gjithnjë nëse nuk ndodh ndonjë tërheqje e papritur. Mbi 66 përqind të aksioneve të Parmës u blenë nga kompania “Dastraso Holdings Ltd”, e ngritur në nëntor 2014 me drejtor Petrit Dokën, një argjendar shqiptar i lidhur ngushtë me Rezart Taçin.

a.k