Dita nis si 30 ditët e mëparshme, por më pas, një mesazh ndërron gjithçka brenda çadrës së grevistëve

Ish të përndjekurit politikë i kanë dhënë fund grevës së urisë, e cila sot shënonte ditën e 31-të të saj. Me anë të një deklarate për media, përfaqësuesit e grevistëve thanë se e mbyllin grevën. "Falenderojmë qytetarët, mediat, ekipet mjekësore, partnerët tanë ndërkombëtarë për mbështetjen. Kërkojmë që kërkesat tona të shqyrtohen dhe për këtë kërkojmë ndihmën e ambasadorëve", - thanë grevistët.

Vendimi ka qenë i papritur, sepse dita e sotme nisi njësoj si të tjerat me kërkesat për dialog dhe solidaritet të grevistëve, pasuar nga sulmet verbale publike të  kryeministrit ndaj tyre, por ne oret e drekes nje mesazh ka mberritur në çadren e grevisteve.

Në mëngjes koordinatori i grevës Skënder Tufa kërkoi mbështetje nga shoqëria civile në një tubim proteste dhe rikërkoi dialog me qeverinë. Kurse kryeministri Sali Berisha deklaroi disa minuta perpara se grevistet te deklaronin mbylljen e grevës: "Kjo është një grevë politike dhe nuk ka aspak të bëjë me kërkesat e ish të përndjekurve politikë, por është në interes për pushtet të një partie të caktuar", u shpreh Berisha. Tri ditët e fundit grevistët kishin shprehur shqetësimin e tyre për heqjen nga çadra të lëngjeve, shqetësim që u përcoll edhe nga institucioni i Avokatit të Popullit" - thuhet ne nje raportim te TCH. (A.N.)