Dade: unioni me republikat sllave, a e dinte Berisha?

Kryetarja e re e Komisionit të Jashtëm, Arta Dade, në një intervistë për Top Channel deklaron se e ka marrë vesh nga media, ashtu si i gjithë opinioni politik dhe publik vendas për nismën e Malit të Zi, mbi krijimin e një unioni të 6 vendeve të Ballkanit Perëndimor. Ajo ngre pikëpyetjen, nëse qeveria Berisha ka qenë në dijeni dhe nëse po, përse nuk e ka konsultuar me faktorin politik në vend.

 Znj. Dade e konsideron jo bashkëkohor trajtimin e nismës si një “ish-Jugosllavi e re me shtet shqiptar brenda”, por ngre dhe dy pikepyetje: A është nevoja për nisma të reja rajonale kur ka disa te tilla te suksesshme dhe përse Kosova është thirrur në statusin e rezolutes 1244, kur ajo tashme eshte një shtet i pavarur?

"Nuk e di nëse kjo është një nismë që vjen nga Mali i Zi apo ka edhe mbështetje më të gjerë. Duhet të shihet me seriozitetin përkatës, gjykoj që nuk duhet ngutur për të dhënë një përgjigje, sepse në fund të fundit, çdo nismë do të ishte e mirëpritur, por varet nëse ka hapësira për të konsoliduar nismat aktuale, ku Shqupëria duhet të jetë pjesë mjaft aktive apo duhen marrë nisma të reja", thotë Dade.

k.c.