Britanikja "The Telegraph": Ja ku jeton ish-komunisti, Aleksis Tsipras

Për një djalosh ish-komunist që vjen nga shtresa e grekëve të mesëm, tregues është edhe zona dhe shtëpia ku ai banon. Gazeta britanike “The Telegraph” i ka kushtuar një artikull kreut të SYRYZA-s, Aleksis Tsipras, duke vizituar lagjen ku ai jeton bashkë me gruan dhe dy fëmijët.

Korrespondenti i “The Telegraph” ka fotografuar shtëpinë e kreut të SYRYZA-s, e cila ndodhet në Kypseli të Athinës, një pallat 7-katësh në rrugën “Harmonia”,  tipike e banesave  të shtresave të mesme dhe punëtore në Greqi.

Sipas gazetës britanike, vetë lagjia ku jeton Tsipras dëshmon për prejardhjen e tij majtiste dhe përpjekjet që ai ka bërë në vite për të drejtat e të varfërve në Greqi. Banorë të lagjes I thanë gazetës “Telegraph” se Tsipras lëviz prej vitesh me një makinë, por pikëpyetja është nëse ai do të sillet në të njëjtën mënyrë edhe kur të zgjidhet kryeministër.

l.m