Ambasadori i Kosovës në Tiranë i dyshuar për krime lufte; por në Prishtinë nuk nguten për ta zëvendësuar

Mbi ambasadorin e Kosovës në Shqipëri, Sylejman Selimin, janë hedhur dyshime nga EULEX-i për krime lufte, e për këtë shkak dikush në Prishtinë po kërkon largimin e tij nga ky post, ndonëse të gjithë vlerësojnë figurën e kontributin e tij gjatë e pas luftës. Por zëvendësministri i Punëve të Jashtme i Kosovës, Petrit Selimi (nuk dimë nëse i lidh mbiemri ‘Selimi’ të dy bashkë) nuk sheh arsye për ta larguar nga ai post.

“Secili është i pafajshëm derisa të vërtetohet e kundërta, [prandaj] ne nuk mund të marrim vendime të bazuara në këtë fazë, por do ta presim gjyqësinë të thotë fjalën e vet për të ndërmarrë hapa tjerë”, thotë ai, duke nënvizuar pak më tej se “MPJ-ja për herë të parë është në një proces të rotacionit, pasi secili ambasador tash po i ofrohet limitit ligjor të shërbimit prej katër vjetëve që mund të shërbej në një shtet”.

“Po ne, [në çdo rrethanë], nuk do ta lëmë Shqipërinë pa një ambasadë funksionale”, ia bën Selimi, zv.ministri. “[Ambasada jonë në Tiranë] është një ndër ambasadat me personel më të madh, pasi ka me së shumti marrëveshje bilaterale, lidhje të tregtisë, etj”.

Re.Pu.