“Panorama”: Nishani e refuzoi, Qeveria e emëron Ndrecën në Vatikan
Ardian Ndreca do të jetë përfaqësuesi diplomatik i Shqipërisë në Vatikan, pavarësisht “rezistencës” që po bën kreu i shtetit duke mos dhënë pëlqimin e tij për kandidaturën e qeverisë. Lajmi bëhet i ditur sot nga gazeta “Panorama” e cila shkruan se Ditmir Bushati e ka emëruar Ardian Ndrecën të ngarkuar me punë në ambasadën tonë në Vatikan. Emërimi i publicistit të njohur në këtë detyrë, vjen dy muaj pasi Presidenti Bujar Nishani nuk e dekretoi propozimin e kryeministrit Rama si ambasador në shtetin e vogël, fqinj me Italinë.
Lajmin për emërimin e konfirmon edhe vetë Ndreca, i cili i kontaktuar nga gazeta thotë se ka marrë firmën e ministrit të Jashtëm, Ditmir Bushati për detyrën, e re, por nuk ka nisur punë zyrtarisht për shkak se nuk është pranuar si i ngarkuar me punë nga Vatikani. Procedura e pranimit është formale në vendet pritëse dhe bëhet pasi ambasadori ose i ngarkuari me punë paraqet letrat kredenciale. “Nuk është marrë ende agrementi nga Vatikani. Nuk mund të quhet e perfeksionuar praktika. Firma është vetëm e ministrit në këtë rast. E di që ministri e ka firmosur, por emërimi nuk është i perfeksionuar. Unë nuk mund ta bëj publike këtë”, tha Ndreca.
Artikulli i gazetës: http://www.panorama.com.al/2014/05/25/nishani-e-refuzoi-qeveria-e-emeron-ndrecen-ne-vatikan/
n.k
Comments
Pasi e ka thene ate qe
<p>Pasi e ka thene ate qe s'duhej te niste ta thoshte, Ndreca ka kerkuar mosprononcim ne shtyp!</p><p>Merret me mend cfare lloj diplomati e cfare stof ambasadori ke ky llo robi...</p><p>Po sikur presidenti te investohet seriozisht kunder caktim/emerimit te Ndreces?</p><p>Po sikur Vatikani, shteti fqinje me Italine (!) sic e paraqitni, te vonohet ca kohe, ose te mos i pranoj</p><p>kartrat e mbyllura te Ndreces?</p><p>Ne te gjithe rastet, ka nje gallate meravilioze me shtetin, qe te gjithe i ben pis...</p><p> </p>
Add new comment