“Pallati i Bashës”, shkelje të shumëfishta në dokumentacion

Verifikimi nga INUK i dokumentacionit të kompleksit Jon në Ujin e Ftohtë të Vlorës, ka nxjerrë sipas shqiptarja.com, disa shkelje të rënda. Kështu, subjekti “G.B.A Konstruksion” që ka marrë lejën e ndërtimit, sipas dokumentacionit që ka paraqitur, të gjitha inertet dhe gurët që do nxireshin gjatë hapjes së gropës, do të transportoheshin larg, në Nartë. Por s’ka ndodhur aspak kështu: Ttë gjithë gurët që janë nxjerrë nga gropa për ndërtimin e pallatit, janë hedhur në brendësi të detit, duke sjellë kështu shtimin artificial të truallit. Nga ana tjetër, shkelje e rëndë është dhe koefiçenti i ndërtimit, që në rastin konkret rezulton të jetë mbi 100 për qind. Pra, firma që ka kryer punimet ka shfrytëzuar totalisht territorin që ishte përcaktuar për shesh ndërtimi nga bashkia, por edhe ka shkuar përtej, kur në lejën e ndërtimit të miratuar nga bashkia e Vlorës, qartësohet se koefiçenti i shfrytëzimit të territorit është 66 për qind.

a.k