“Albpetrol” blen ujin për naftë gjatë zgjedhjeve, dëmi financiar 133 mln lekë

Prokuroria e Fierit nis hetimet për kompaninë e naftës “Albpetrol”. Objekt i hetimi është bërë skandali i mbushjes me ujë të katër rezervuarëve të naftës. Hetimet kanë nisur me marrjen në pyetje të disa personave. Gjithçka ka filluar me kallëzimin që ka bërë drejtori aktual i “Albpetrol”, Endri Puka. Ky i fundit ka vënë në dispozicion të prokurorisë edhe dokumentin e shkruar nga përgjegjësi i sektorit të naftës në Zharrës, Përparim Braçe.

Në këtë letër Braçe shkruan: “:”…Nga Visoka për në Zharrës për muajin Korrik kanë ardhur 1155 m3 = 1140 ton. Nga ky produkt që erdhi 1500 m3 ishin ujë dhe 60 m3 u hodhën te R 8 nga evadimi i R 1 që kishte 2 vjet pa evadim dhe që ishte këputur gjuhëza i saraçineskës. Nafta që ka ardhur nga Visoka përqindja e ujit ka qenë më e madhe se ç’shkruhej në dokument dhe këtë shqetësim e trajtova me shefin….”.

Prej disa kohësh prokuroria e Fierit, ka sekuestruar dokumentacionin që është mbajtur nga puntorët e stacionit të naftës në Zharrës të Fierit, ku tregohet prania e katër autoboteve të mbushur me ujë. Sipas burimeve pranë kësaj prokurorie, gjithçka është shënuar në letër, por askush nuk ka vepruar për të ndaluar mbushjen e rezervuarëve të naftës me ujë.

Hetimet janë shtrirë dhe mbi disa kompani private konaçesionare, që duhet të dorëzonin naftën tek kompania shtetërore “Albpetrol”. Një gjë e tillë nuk ka ndodhur kurrë pasi në vend të naftës, pikërisht këto kompani kanë hedhur në rezervuara sasi të konsiderueshme me ujë. Dëmi financiar për këtë rast llogaritet në mbi 133 mln lekë, duke marrë parasysh vetëm mungesën e 332 metër kub naftë në muajin Maj, pa llogaritur dëmin e shkaktuar nga shkarkimi i katër autoboteve me ujë në rezervuare. Muaji Qershor ka nisur me bilanc minus prej 332 metër kub.

http://www.shqiptarja.com/Aktualitet/2731/mashtrimi-albpetro...

S.S