Bota informative e pushtuar nga Berisha, Topi, Rama, Topalli, Meta

Kush kalon në revistë sitet informative online do të vërë re se ato janë të pushtuara nga lajmet ‘e personalizuara’ politike, dmth nga lajme që kanë të bëjnë me thënie apo ecejake të personaliteteve të politikës e krerëve të institucioneve. Ja disa tituj: “Topi me misionin e KE-së: pavarësi institucioneve”; “Reforma zgjedhore, takim Haxhinasto-Wollfarth”; “Berisha-Boutaris: Bashkëpunim me Selanikun”; “Topalli në Shkup: Dhuna, metodë inferiore”; “Cefa i PD-së tek KLD-ja, miratohet me votat e shumicës”; “Berisha: Ulet vdekshmëria foshnjore, dëshmi e zhvillimit të vendit”; “Meta: Në koalicion me PD-në është më mirë se me PS-në”; “Mandati i PS-së, Rama: Po kthejnë krizën”; “PDIU-ja qeverisë: Ndihmë peshkatarëve, pengohen nga grekët”; “Berisha: Internet në çdo klasë e provime online”; “Ina Rama prêt reporterët e KE-së”; “Topi përshëndet 3 vjetorin e anëtarësimit në NATO”; etj, etj, etj. Mbi 80% e lajmeve janë të kësaj natyre. Vetëm rrallë të sheh syri dhe lajme të mirëfillta, ose pothuaj të mirëfillta. Ja do tituj: 1. Lodrat e fëmijëve janë prodhuar me lëndë kimike të rrezikshme; 2. Të ardhurat nga turizmi janë në rënie; 3. Qeveria bllokon borxhet e pakthyera për bizneset; 4. Jep dorëheqjen presidenti serb Boris Tadiç; 5. Tragjedi në Kretë: nëna shqiptare vret vajzën autike 13 vjeçare. Kaq.

M.N.