Nesër në Top Story/Opinion do jetë Rama/Berisha; asnjëherë Berisha/Rama

Sot është e mërkurë. Nesër e enjte. Dhe nesër në mbrëmje kemi programet Top Story dhe Opinion. E dini se kë kanë ftuar moderatorët e njohur Sokol Balla e Blendi Fevziu? Edi Ramën dhe Sali Berishën. I pari vjen nga një vizitë e bujshme në SHBA, ku ish i ftuar nga Departamenti i Shtetit, ndërsa i dyti ka për të folur për “festën më të madhe që është bërë ndonjëherë” (kështu ka premtuar), për 22 marsin (por të kuptohemi, jo Sulltan Nevruzin). Të dy programet fillojnë në orën 21.00. Ai i Ballës mbyllet më 22.30, gjë që rëndom përbën një detyrim të agjendës televizive të Top-channel-it, ndërsa ai i Fevziut mund të vazhdojë, në teori, deri në të gdhirë. Kur është Berisha, Fevziun e kap se s’bën mesnata në studio. Me siguri dhe nesër kështu do jetë.

Nuk është hera e parë që Berisha e Rama ftohen të enjteve respektivisht në studiot e Klanit e të Top-channel-it. Është e disata herë, gjë që do të thotë se qoftë njëri, qoftë tjetri, e kanë lëshuar veten në funksion të rivaliteteve televizive. Po sa është audienca, vallë? Nuk ka të dhëna të sakta e të besueshme.

E.G.