Robert Elsie: Nuk jam anti-Kadare; mund të jetë Kadareja që më quan anti-Kadare

Përkthyesi dhe shqiptaro-logu gjerman, Robert Elsie, u kthehet sërish marrëdhënieve të tij me Kadarenë. Për t’i rishpjeguar. “Unë jam habitur dhe habitem shumë [që më mbajnë për anti-Kadare]. Unë nuk kam asgjë me Kadarenë dhe e vlerësoj shumë si shkrimtar. Po të lexoni Historinë e Letërsisë që unë kam shkruar, e them këtë vlerësim që kam për Kadarenë dhe i qëndroj asaj që kam thënë”, thotë ai në një intervistë të publikuar në numrin e sotëm të Mapos.

Ai lë të kuptohet se këtë nam prej anti-Kadare-je mund t’ia ketë nxjerrë vetë shkrimtari shqiptar, i cili – dhe kjo lihet të kuptohet – mund të jetë zemëruar me faktin që diku, dikur, Elsie e ka cilësuar si “shkrimtar oborri”. {Thjesht] kam shkruar atë që thuhej këtu në Tiranë për shkrimtarin Kadare, asaj i jam referuar. Unë vetëm transmetoj ato që kam mësuar këtu”, saktëson ai.

Dhe më poshtë rrëfen një rast tjetër, ku Kadareja ka demonstruar se nuk ia fal atë që Elsie ka thënë për të. “Kam hartuar një Antologji të Tregimit Shqiptar, ku kisha përfshirë edhe tri tregime të shkrimtarit Ismail Kadare, dhe ai nuk më dha lejen e botimit”.

Re.Pu.