Tender 1.1 mln$ për rikonstruksion zyrash nga Ministria e Arsimit? Të paktën kështu thotë ish-kryeministri

Ish-kryeministri i vendit Sali Berisha, i përfshirë në debate të ashpra sot në Parlament, ka deklaruar ndër të tjera se ministria e Arsimit ka firmosur para dy ditësh një tender rikonstruksioni për zyrën e ministres dhe zyra të tjera me vlerë 1.1 milionë dollarë. Nuk dihet sa e vërtetë është kjo gjë, pasi akuza të tilla hidhen rëndom, por fakt është se lajmi i para disa kohëve për rikonstruksionin e zyrave dhe mjediseve të Ministrisë së Mbrojtjes, u pranua nga ky dikaster. Dhe, edhe ky tender ishte me një vlerë 1 milonë dollarë, por në rastin e kësaj ministrie shpenzimi u justifikua me ndryshimin e godinës.
s.z