Testimet në mjekësi u tha se janë përvojë amerikane. Një kritikë që sjell dy shifra: në SHBA për vitin 2014 u shpenzuan 6500$\frymë. Në Shqipëri 250$\frymë

Gazment Koduzi, doktor i Shkencave Mjekësore, shkruan sot në gazetën “Panorama” për testimet që pritet të zhvillohen me personelin mjekësor. Koduzi e nis shkrimin me argumentin e z. Ministër, qe e sheh testimin si imitim pozitiv të përvojës amerikane. Që këtej, doktori thotë se kjo mani për të imituar në mënyrë shabllone, kujton këngën “Tu vuo fa l’americano”, por duke “harruar” se SHBA-të harxhuan vetëm në vitin 2014 80.1 bilionë dollarë, ose 6500$/frymë, kurse Shqipëria vetëm 250. Po kështu Amerika që merret shembull, u siguron mjekëve kushte për edukim dhe trajnim të vazhdueshëm, ose paga të cilat lejojnë që vetë mjeku të paguajë trajnimin e vet. Rrjedhimisht kjo e Amerikës është fasada e radhës. Përtej kësaj ambicjeje, është edhe aspekti ligjor. Koduzi referon se për profesionin e mjekut dhe të infermierit ka një bazë ligjore të rregulluar që në vitin 2009. Kështu që është e pasqaruar sesi do të përligjet testimi, i cili ka të keqen politike se do të shitet si reformë në burimet njerëzore dhe në shërbimin mjekësor. Pyetja që shtrohet është: a i merr parasysh ministri këto vërejtje? Ditë më parë ishte edhe presidenti i Urdhrit të Mjekut që doli kundër testimit, mirëpo me gjasë duket se kjo është protestë që pa efekt, përderisa testimet janë vendime politike të kësaj qeverie.
http://www.panorama.com.al/2015/01/19/a-behen-reformat-shend...
s.z