Nuk është vetëm Sali Berisha që krahason Edi Ramën me Enver Hoxhën. Ngjela shkruan se represioni ndaj kapitalit, ngjan me tufëzimin e Hoxhës

Spartak Ngjela është rishfaqur sot me një postim nmë “Facebook” ku shpreh mendimin se kryeministri aktual, pra Edi Rama, ka dështuar në realizimin e reformave. Për të ilustruar pikëpamjen e tij, Ngjela, dikur një nga njerëzit më të afërt të Edi Ramës, thotë se veprimi me masa shtrënguese dhe reprresive që qeveria po aplikon ndaj biznesit, është njësoj si ndërhyrja e Enver Hoxhës ndaj pronës në fshat, sidomos me tufëzimin. “Enver Hoxha, pasi iu pre ndihma kineze, e mendoi veten të humbur në lidhje me zhvillimin e brendshëm...Kur e pa se, askush nuk po i jepte ndihma pa kushte kundër tiranisë dhe terrorit shtetëror që ky ushtronte ndaj popullit të vet, mendoi aplikimin e fundit të tij dhe të vetë regjimit – deshi ta shfrytëzonte deri në palcë fshatarësine për ta gjetur këtu burimin e të ardhurave në mbajtje të pushtetit. Prandaj iu hoqi atyrë gjithçka private, tokë e bagëti, madje edhe pulat, dhe krijoi “tufëzat” e tij të famshme. Si përfundim? Asgjë. Ky ishte fund i regjimit komunist në Shqipëri, që sigurisht e merritonte sepse, pasi kishte ardhur nga marrëzia e Enver Hoxhës, po nga marrëzia e tij ra aq keq.  E njëjta gjë do të ndodhë edhe me Ramën. Ky i ka hyrë të njëjtës rrugë të marrë: po i bie kapitalit me gjoba dhe me mjete të tjera represive, duke menduar gabimisht se kështu do të gjejë paratë për të ndenjur në pushtet. Qesharake. Informaliteti sot në Shqipëri është fenomen objektiv; dhe kush s’e kupton këtë, shkon te represioni shtetëror. Kjo do të rrënojë tregun dhe rrënimi i tregut do të rrënojë vetë kryeministrin, i cili do të fluturojë keq e më keq”, shkruan Ngjela.

s.z