500-600 milionë marka të qytetarëve të Kosovës, ende nën administrim të bankave serbe

Bankat serbe administrojn rreth 500 milionë marka, që janë kursime të qytetarëve të Kosovës, depozituar në bankat jugosllave si “Jugobanka”, “Banka e Lublanës” dhe “Bankos”. Lajmi bëhet e ditur nga “Radio Evropa e Lirë”, që citon Flamur Keqa, drejtues i Institutit për Banka dhe Financa, e që në kohën e ish-Jugosllavisë ishte kontrollor i lartë për diferenca të kursit dhe punë të përgjithshme devizore në ish Bankën Popullore të Kosovës. Sipas tij, qeveria e Kosovës duhet të kërkojë kthimin e kësaj pasurie që u përket qytetarëve që kanë depozituar. “Institucionet qeveritare është dashur gjithsesi që të ndërmarrin hapin në realizimin e këtyre kërkesave, kërkesa të cilat realisht nuk janë të vogla. Sipas të dhënave të mija, janë rreth 500 milion marka gjermane. Kështu që kthimi eventual i tyre do të krijonte një komoditet financiar për qytetarët e Kosovës por edhe për zbutjen e varfërisë”, thekson Keqa. Ndërkohë eksperti tjetër, Ismail Kastrati, thotëse deri në vitin 1999, këto kursime arrinin deri në 600 milionë marka.
http://koha.net/?id=27&l=35142
S.z