Masa të larta sigurie për ndeshjen Serbi-Shqipëri. Për tifozët shqiptarë ofrohen 1000 bileta në një ndeshje me pjesëmarrje 20 000
Autoritetet serbe deklarojnë se kanë marrë masa për të mbajtur rendin në ndeshjen e futbollit mes Serbisë deh Shqipërisë, e cila do të luhet në Beograd më 14 tetor. Presidenti i Komisionit të Sigurisë, Milivoja Mirkova, ka dekaruar se niveli i sgurisë do të jetë i njëjtë si me atë që u vendos me rastin e paradës gay në Beograd. “Jemi gati të mirëpresim tifozët miq, pasi kishim përgatitur një plan për të dy rastet. Kjo ndeshje paraqet nivel të lartë rrezikshmërie, ashtu si dhe parada gay e para pak kohëve, prandaj dhe niveli i sigurisë do të jetë i njëjtë. Ne nuk duam të lëmë asnjë përshtypje të keqe, dhe prandaj do bëjmë çdo gjë të mundur për të treguar që jemi një vënd serioz. E kemi reduktuar kapacitetin e stadiumit në 20 mijë vënde, që do të thotë që shqiptarët do të marrin rreth 1000 bileta. Duke parë specifikat e ndeshjes, kemi të drejtë të kërkojmë që një person të blejë vetëm një biletë. Shqiptarët do na paraqesin një listë të udhëtarëve, të cilën ne do ia japim shtetit, dhe asnjë person që nuk është në këtë listë nuk do lejohet të futet në Serbi. I njëjti kontroll do përdoret dhe në stadium. Ne kërkojmë që biletat t’i jepen vetëm shtetasve shqiptarë, por do kryejmë dhe një masë të gjerë kontrollesh sigurie. Po bëjmë parapërgatitjet e duhura për këtë rast, sepse është e rëndësishme që çdo gjë të shkojë mirë”, përfundoi Mirkova.
http://almakos.com/sport/62104-policia-serbe%3A-ja-si-do-t’i-presim-tifozët-nga-shqipëria.html
s.z
Comments
Duka po u bindet rracisteve
<p>Duka po u bindet rracisteve serbe ashtu si ju bind rracisteve greke ne vitin 2005 ku luajtem pa tifoze ne Greqi. Kete radhe vellezerit tane nga Kosova nuk do lejohen ne stadium.</p>
Add new comment