Avokati Fatos Shanaj: Një 37 vjeçe intelektuale si Golemi nuk mund të qëndrojë në burg, do kërkoj ndryshimin e masës së sigurisë

“Do kërkojmë ndryshim të masës së sigurisë, procedura e paligjshme.  Ku është rrezikshmëria e një vajze 37 vjeçe intelektuale”. Kështu mendon avokati i inspektores së Bankës së Shqipërisë Elivar Golemi i cili e ka cilësuar të paligjshme procedurën e arrestimit të saj. Në një prononcim për mediat pas takimit me Golemin, avokati Fatos Shanaj theksoi se ditën e hënë do të kërkojë ndryshim të masës së sigurisë. “Ëështë dhënë një masë sigurie “arrest me burg”. Për mua procedura është e pa ligjshme. Kjo na heq mundësinë për tu mbrojtur në shkallën e parë. Në këtë moment nuk diskutohet fajësia. Nuk besoj se mos shkuarja në komision ka lidhje me akuzën. Çfarë lidhje ka vepra penale me mos paraqitjen në komision.”- u shpreh avokati.  Më tej ai theksoi se vendimi do dërgohet në Gjykatën e Apelit pasi shkalla e parë u ezaurua. “Hetim do ketë, ne s’mund ta pengojmë. Kush është rrezikshmëria që morën arrest me burg për një vajzë 37 vjeçe intelektuale?”- u shpreh  avokati Shanaj.

L.V