Avokati: Nuk ka asnjë provë ligjore ndaj Agron Canes, gazetarët e përfshirë janë problematikë

Avokati mbrojtës i Agron Canes thotë se arrestimi i klientit të tij është i paligjshëm dhe me prapavijë politike.

Gjergji Imeraj në një intervistë për televizionin “A1 Report”, thotë se, ndaj Canës nuk ka asnjë provë ligjore, por vetëm zhurmë mediatike.
“Arrestimi është i paligjshëm për arsyen se që në momentin e parë, policia gjyqësore, është nxitur nga deklaratat e shtypit të cilat janë të paautorizuara, janë të paligjshme, dhe janë me prapavijë të pastër politike’, thotë ai.

Gjithashtu avokati i të akuzuarit shprehe se, “video është e montuar, historia është e montuar, sepse edhe gazetarët që kanë marrë pjesë në këtë histori janë gazetarë, problematikë me faktet dhe provat që ata kanë paraqitur në opinionin publik, edhe në raste të tjera analoge”.