News24: Sekretari i Koço Kokëdhimës kërkon seks me të mitur në këmbim të një vendi pune, reagojnë Tahiri dhe Didi

Televizioni “News24” ka publikuar sot një lajm kobshëm ku përfshihet një person i afërt i deputetit të PS-së, Koço Kokëdhima.
Gazetari i emisionit "Ajsberg”, Artur Cani zbuloi se në qendër të skandalit është Agron Cane, 60 vjeç, sekretari i deputetit të PS, Koço Kokëdhima, i cili i premton E.G., se do i gjejë një vend pune në rast se ajo i jep vajzën 14-vjeçare.

News24 do të publikojë në orën 19:00 një video ekskluzive ku Agron Cane, sekretari i Kokëdhimës i ofron punë një gruaje në këmbim të vajzës 14 vjeç. 
“Vajzën e paske të zhvilluar, ka hormone. Duhet të bëjë seks me mua. Mund të bëni seks të dyja bashkë me mua”, janë disa nga fjalët që Cane i ka shqiptuar gruas.

Lidhur me publikimin e një lajm të tillë kanë reaguar ministri i Brendshëm, Saimir Tahiri dhe Drejtori i Përgjithshëm i Policisë së Shtetit, Artan Didi, të cilët kanë theksuar se, ndaj personit në fjalë do të veprojë ligji.

Lajmi është ende me doza misteri, pasi ende nuk është sqaruar lidhja që personi i përfshirë në skandal ka me deputetin e PS-së të qarkut të Vlorës dhe në çfarë cilësia ka kërkuar seks në shkëmbim të një vendi pune.

http://www.balkanweb.com/kryesore/1/skandal-sekretari-i-kokedhimes-ofron...