LSI flet me gojën e Spartak Brahos: Këshilli Mbikqyrës i BSH të dorëhiqet, ka vegjetuar

Duke ngarkuar me përgjegjësi individuale, apo kolektive, Këshillin Mbikqyrës të Bankës së Shqipërisë,

Kreu i Komisionit parlamentar të Sigurisë Spartak Braho, njëherësh deputet i  Lëvizjes Socialiste për Integrim, kërkon publikisht dorëheqjen e anëtarëve të Këshillit duke e parë këtë si mënyrë për të shkuar deri në largimin e guvernatorit Ardian Fullani, në lidhje me mega-skandalin e vjedhjes së 713 milionë lekëve të rinj nga thesari i shtetit. Deputeti i LSI-së, doli në një koferencë të posaçme për mediat nga kryesia e Kuvendit në lidhje me këtë skandal.

"Ky këshill ka vegjetuar, -thotë Braho, ndërsa përmend edhe funksionimin me dy anëtarë mangët në këshillin Mbikqyrës të Bankës së Shqipërisë. “Krahas mungesës së tyre, mozbatueshmërisë me korrektesë vetë ato janë të paqarta dhe kanë nevojë të reformanohen. Po ashtu rezulton se ndër përgjegjësitë kryesore në mënyrë koletkitve, dhe individuale ngarkon Këshillin Mbikqyrës që rezulton se është me dy mungesa, ashtu siç mungojnë dhe zv/guvernatori. Kjo strukturë kryesore drejtuese dhe menaxhuese, ndonëse e kompozuar me personalitetë të fushës ekonomike duket se ka vegjetuar, s’ka qenë kontrolluese, eficente”, - tha Braho. Edhe pse paraprakisht vecoi emrat e Ermelinda Meksit, Ardian Civicit dhe Dhori Kules, të vlerësuar prej tij si “më të mencurit që duhet të japin dorëheqjen”, më tej Braho u shpreh:  “Unë u drejtohem të 7 anëtarëve, në këtë shtëtëshe, pjesë e tij është edhe Fullani, por unë nuk mund të merrem me emra të vecantë. Të bëjnë aktin moral qytetar më të dobishëm për ata, që të parët vetë apo në grup të japin dorëheqjn vetëm për arsye tashmë të provuar se vjedhja është evidente”.

a.k