Basha kundër mbylljes së filialeve të UT-së: Rama po shokon psikologjikisht studentët

Kreu i opozitës Lulzim Basha, edhe pse është shprehur i vetëdijshëm për nevojën e reformave në sistemin arsimor, ka kundërshtuar ndryshimet e fundit e sidomos mbylljen e filialeve të UT-së. Kjo sepse sipas tij, kryeministri Rama me vendimin e tij po shkakton shok psikologjik tek studentët.

“Mbi çfarë baze u imponon prindërve në Peshkopi, në Kukës, në Sarandë, në Gjirokastër, në Shkodër që të paguajnë qera Tirane e kosto jetese Tirane e të ndahen me fëmijët e ty re, koston e të cilëve e kishin marrë parasy sh në kushtet e arsimimit afër qendrës së banimit. Natyrisht, sistemi ka nevojë për përmirësim, sepse edhe universiteti i Tiranës i cili ka përvojën më të gjatë ka nevojë për përmirësim, imagjinoni filialet. Po si i mbyll me një të rënë të lapsit dhe i nxjerr studentët në një situatë të pamenduar shoku psikologjik në fillim pa përgatitje dhe pastaj përballje të tyre dhe të prindërve të tyre me një faturë të majme financiare”, tha Basha.

a.k