“La Stampa”: Papa në Shqipëri, në vendin më mysliman në Evropë, për dialog, aty ku jetohet në harmoni fetare

Papa do të shkojë në vendin më mysliman në Evropë për dialog. Kështu e ka komentuar “La Stampa”, vizitën e lajmëruar të Papës në Shqipëri. Marco Impagliazzo (kryetar i Komunitetit të Shën Egidio) dhe Stefano Ceccanti (ish-president i Fucit), që të dy analizojnë vizitën e Papës së Vatikanit në Shqipëri, si një vend i dashur për Kishën Katolike, sepse këtu besimtarët u persekutuan si në asnjë vend tjetër, sidomos pasi diktatori Enver Hoxha në vitin 1967 e shpalli Shqipërinë shtetin ateist të parë në botë.

“Nuk dimë nëse ka arsye të tjera përtej kësaj, për vizitën e papa Francceskut në Shqipëri në 21 shtator”, thotë në këtë artikull historiani Marco Impagliazzo. Por sipas tij kjo është e rëndësishme që të bëhet  ky udhëtim i parë në Evropë, i cili nuk përcaktohet në vende të tjera të Ballkani që janë më katolike, por pikërisht në Shqipëri. Sipas tij ky mund të jetë një moment shumë i rëndësishëm dialogu ndërfetar.

Stefano Cecceanti  thotë se janë dy aspekte kryesore për këtë udhëtim të papës. E para lidhet me njohjen e një vendi ku katolikë, ortodoksë dhe myslimanë jetojnë së bashku shumë mirë, madje ata edhe në martesa përzihen midis feve. Aspekti i dytë është se kjo vizitë do të përforconte legjitimitetin e këtij vendi si një shtet normal dhe për këtë mund të arrijë të marrë statusin e vendit kandidat në BE.

http://www.lastampa.it/2014/06/20/esteri/vatican-insider/it/...

 S.S