Prokuroria nis hetimet për 11 firmëtarët e marrëveshjes së detit me Greqinë

Prokuroria e Përgjithshme pas deklaratës së ministrit të Jashtëm, Ditmir Bushati, i cili kërkoi hetimin e firmëtarëve të marrëveshjes për kufirin detar me Greqinë, duket se ka ndërmarrë hapa konkretë.

“Shqiptarja.com”, raporton se informacioni i detajuar ka mbërritur në prokurori një javë më parë. Shkresa informative bën fjalë për veprimet e të 11 negociatorëve të paktit detar që asistuan në bisedimet me palën greke.
Ministria nuk ka bërë kallëzim penal, por një material informativ, ku vë në dukje veprimet e kundraligjshme të 11 negociatorëve si Ferit Hoxha, Kristaq Gërveni, Enkelena Mërkuri, Suela Brahimi, Anduel Cauli, Krenar Çauli, Krenar Muço, Ferdinand Berberi, Gazmend Turdiu, Ilir Tepelena, Miranda Zeka dhe Ledia Hysi.
Sipas informacionit të përcjellë në Prokurorinë e Përgjithshme të gjithë këta persona kanë pasur autorizimin nga ministrat e Jashtëm, Mbrojtjes dhe Brendshëm, për të asistuar në bisedime me palën greke, bisedime këto që sollën marrëveshjen që u rrëzua nga Gjykata Kushtetuese.

http://www.shqiptarja.com/Aktualitet/2731/pakti-detar-me-gre...

S.S