Komisioni për lëvizjet në polici, demokratët njerrin në skenë pengmarrjen e Flamur Pislit dhe akuzojnë Artan Didin për “vrasje në operacion policor”

Komisioni Hetimor për lëvizjet në polici ka nxjerrë sot në skenë disa akuza që në pamje të parë implikojnë kreun e Policisë së Shtetit, Artan Didi. Anëtarët demokratë të komisionit kanë nxjerrë një videoprojektor për vrasjen e Falmur Pislit, që mori peng në Greqi një autobus me pasagjerë për t’u ekzekutuar mandej në territorin shqiptar. Kreu Arben Ristani ka hedhur dyshime se polici që ka qëlluar për vdekje mbi një nga pengjet, shteasin grek, Jorgos Kurluris, është pikërisht Artan Didi. “Didi dyshohet se është i përfshirë në një veprim që për ne është kriminal pasi ekzekuton një njeri të pafajshëm gjatë një operacioni policor”, është shprehur Ristani. Aluzioni është shumë i rëndë, por ai gjithsesi nuk shoqërohet me planin e operacionit, apo urdhrin për të qëlluar. Thjesht e fut punën e komisionit në hulli të reja. Nga ana tjetër, PD-ja nuk e ka hapur për 8 vjet këtë çështje, për ta nxjerrë tani si “as nga mënga”, në hetimin e lëvizjeve në polici që është bërë objektiv i opozitës prej disa muajsh.

s.z