Kemi çmimin e naftës më të lartin në Europë

Shqiptarët paguajnë çmimin më të lartë të karburanteve në rajon. Top-Channel citon Shoqërinë Gjermane për Bashkëpunim Ndërkombëtar, e cila ka bërë një krahasim çmimesh mes vendeve të ndryshme. Shqipëria renditet ndër vendet më të shtrenjtë. “Përkatësisht, sipas GIZ, në fund të vitit 2012, çmimi me pakicë i naftës në Shqipëri ishte 1 dollarë e 79 cent për litër, duke lënë pas Francën, Qipron, Spanjën, Kroacinë, Poloninë dhe shumë vende të tjera, ku të ardhurat për frymë janë disa herë më të larta. Sipas të dhënave nga GIZ, rezulton se qytetarët shqiptarë e blejnë naftën në treg thuajse me një çmim të barabartë si qytetarët e Austrisë apo edhe ata gjermanë, dy ekonomi ku standardi i jetesës është i pakrahasueshëm me atë të vendit tonë”, shkruan TCH. E njëjta vlen edhe për benzinën. Shpjegimin e kësaj situate e dinë mirë të gjithë, por me sa po duket atë nuk e di vetëm qeveria/të.

s.z