Demaçi zbardh rolin e qeverisë “Bukoshi” gjatë luftës. Sipas tij, FARK-u i Rugovës, ishte manovër për të kontrolluar luftën

Adem Demaçi është përfshirë në debatin që po zhvillohet për rolin e Forcës së Armatosur të Republikës së Kosovës, FARK gjatë luftës së vitit 1999. Sipas tij, në krijimin e FARK-ut ka dorë edhe shërbimi serb, ndonëse Demaçi ka konfirmuar një marrëveshje të bërë në Oslo, sipas së cilës Ahmet Krasniqi apo edhe qeveria e Bujar Bukoshit angazhoheshin për të ndihmuar luftën e UÇK-së. “Mbledhja e Oslos ekziston. Mbledhja e Oslos është mbajtur me qëllim për ta ndihmuar UÇK-në dhe Qeveria e Bukoshit me dhanë parë dhe bashkërisht me ndihmue kryengritja e cila është zhvilluar në Kosovë nën udhëheqjen e UÇK-së”, ka thënë Demaçi. Sipas tij, FARK-u nuk ka ekzistuar, por ideja ka qenë për të vënë nën kontroll vetë luftën. “Kur i dështoi mundësia Bukoshit me shti nën kontroll UÇK-në me anë të parave, unë jap para, ju luftoni dhe unë vijë e bëhem çlirimtar, atëherë u kthyen dhe u kapën me Tahir Zemajn oficerin e KOS të Serbisë, dhe u munduan të formojnë njëfarë FARK-u, i cili dihet se si përfundoi. Erdhën me luftu ikën dhe i lënë 600 e kusur të plagosur në fushëbetejë dhe i lanë më mijëra armë nëpër fusha”,tha Demaçi.

http://almakos.com/lajme/kosove/47562-demaci-fark-u-rrasi-parate-e-bukos...

s.z