Kavoja rreth shtatores së Zogut më 7 prill. Paloka është i bindur: Rama desh ta zëvendësojë me Enverin

Donin ta rrëzonin apo thjesht të provokonin? Autorë ende të paidentifikuar kanë tentuar gjatë orëve të natës të rrëzojne monumentin e Ahmet Zogut, i cili është vendosur rreth dy vjet më parë nga Qeveria Berisha në bulevardin e kryeqytetit. Ditën e sotme, është konstatuar se disa kavo çeliku janë lidhur përreth shtatores, duke qëndruar aty deri në orët e mesditës. Nuk dihet nëse gjatë natës dikush ka tentuar ta rrëzojë, por ky gjest është konsideruar si një akt provokativ. Asreyja është e kuptueshme dhe e pagabueeshme: Për shkak se veprimet janë kryer duke gdhirë shtatë prilli, data e fillimit të pushtimit fashist italian të Shqipërisë. Por kreut të deputetëve demokratë Edi Paloka, që ka protestuar për aktin, duket se nuk i ka shkuar në mendje se ngjarja mund të ketë të bëjë me datën në fjalë, dhe me bindjen e përhapur se mbreti Zog me qeverisjen e tij përgatiti terrenin për pushtimin, pastaj braktisi vendin pa luftuar dhe duke marrë florinjtë dhe thesarin. Jo, për Palokën këtë e kanë bërë enveristët e Ramës, i cili do ta “zëvendësojë Zogun me Enverin”.

a.k