Nis të aplikohet skema e re kundër evazionit fiskal. Faturat “konvertohen” në bileta llotarie

Me synimin për të ndërgjegjësuar qytetarët që të ruajnë biletat e transportit urban dhe t’ua kërkojnë këto të fundit faturinove kur e përdorin këtë transport në përditshmërinë e tyre është zhvilluar ditën e sotme shorteu “Ruaj biletën dhe fito”.  Në shorte  janë shpërndarë në mënyrë simbolike pajisje elektroshtëpiake për qytetarët që kanë ruajtur biletat e linjës Kombinat-Kinostudio.

I pranishëm në ceremoni ishte edhe nënkryetari i Bashkisë së Tiranës Eno Bozdo. E njëjta praktikë pritet të ndiqet edhe me supermarketet dhe dyqanet, ku qytetarët do të nxiten për të kërkuar dhe ruajtur faturat për blerjen që kryejnë kryejnë. Referuar asaj çfarë parashikohet të aplikohet në muajt e ardhshëm, numrat e faturave fiskale do të bëhen pjesë e shorteve të ndryshme ku qytetarët mund të fitojnë çmime të ndryshme. Synimi i kësaj iniciative që do të ndërmerret nga qeveria shqiptare është rritja e formalitetit në ekonomi dhe ndërgjegjësimi i qytetarëve që të kërkojnë biletat apo faturat e blerjeve.

k.k