Shpërthimet e Bankers Petroleum, banorët në grevë urie: Pesë vjet që ankohen, a i dëgjon njeri këta njerëz?

Vazhdojnë protestat e banorëve të komunës së Zharrësit në Fier, kundër shpërthimeve të kompanisë Banker Petroleum. Rreth orës 12:00 24 persona kanë hyrë në grevën e urisë për shkak të lëkundjeve të tokës. Grevistët kanë deklaruar se nuk do të dalin nga aty deri në plotësimin e kërkesave që kanë bërë ata. Greva ka nisur në ambientet e një lokali në fshatin Zharrëz. Greva e ursisë ka nisur pas së mëngjesit të sotëm, ku qindra banorë të kësaj zone kishin dalë në ditën e tretë të protestave. Ata kanë bllokuar sërish sot rrugën nacionale që lidh Fierin me Beratin. rBanorët kërkojnë që firma Bankers Petroleum të ndalojë shpërthimet pasi po u shkatëron banesat. Gjatë mbrëmjes së djeshme, mbi 600 banorë të zonës naftë-mbajtëse të komunës së Zharzës kanë protestuar pas një shpërthimi të fuqishëm që ka ndodhur në këtë zonë rreth orës 18:40 minuta.

Ministria e Energjisë dhe Industrisë deklaroi se, duke nisur nga dita e nesërme, do të nisë puna në terren për të kryer montimin e dy stacioneve sizmike. Këto stacione do të shërbejnë për monitorimin sizmologjik të aktivitetit në vendburimin e naftës, në zonën e Patos Marinzës, ku banorët janë ngritur në protesta për shkak të lëkundjeve, të cilat po iu shembin shtëpitë. Si duket kjo nuk i ka bindur banorët për të ndërprerë grevën e tyre.

Zh.