Armët kimike, si “veza e Kolombit”, paskan qenë fare lehtë! Sllovakia i pranon pa bujë e zhurmë

Një vend jo anëtar i BE-së, me ecuri normale, me probleme në këtë krizë ekonomike kërkon të përfitojë nga demontimi i armëve kimike. Kjo është Sllovakia, e cila, pasi është njohur me debatet dhe ka bërë mirë llogaritë, ka hyrë zyrtarisht në negociata me qeverinë amerikane për të biseduar për një pjesë të armëve kimike siriane. Natyrisht presidenti  Obama e ka përshëndetur këtë iniciativë dhe falenderon shtetin sllovak.  

Ky zhvillim duket se ka ardhur pas një takimi të zëvendëspresidentit Joe Biden me kryeministrin sllovak Robert Fico në Shtëpinë e Bardhë. Gjithashtu edhe vetë Obama ka diskutuar rreth kësaj oferte dhe negociatave, duke falenderuar kryeministrin sllovak për kontributin në këtë proces ndërkombëtar. Vetë Shtëpia e Bardhë ka lëshuar deklaratë, ku njofton se “vlerësojmë kontributin sllovak dhe ndërkombëtar në procesin e shkatërrimit të armëve kimike siriane”.

Njoftohet se pjesa më e madhe e armëve kimike janë lëvizur nga Siria dhe janë bërë gati për transport final brenda 31 dhjetorit sipas programit strategjik, pasi duhen shkatërruar brenda qershorit të vitit të ardhshëm. Vendi aktual është deklaruar hapësira detare në Mesdhe, territori turk, nën vëzhgimin e këtij vendi, por tashmë afrimi i Sllovakisë mund të sjellë të tjera zhvillime, thonë agjencitë e huaja të lajmeve.

Zh.