Ekstradohet nga Greqia pas 9 muajsh Arben Frroku, autori i dyshuar për vrasjen e komisar Dritan Lamajt

Athina zyrtare, pas  9 muajsh nga vrasja e komisar Dritan Lamaj i ka hapur rrugë ekstradimit drejt vendit tonë të dyshuarit kryesorë të kësaj ngjarje, Arben Frroku. Biznesmeni i akuzuar për vrasjen e kryekomisarit të Policisë ka mbërriur në aeroportin ndërkomëbetar “Nënë Tereza” me avion nga Athina, pasditen e sotme, rreth orës 17:10. Nga aeroporti ku ishin vendosur forca të shumta sigurie, Frroku është shoqëruar për në burgun e sigurisë së lartë 302. Përveç Frrokut drejtësia shqiptare ka mundur të ekstradojë drejt vendit tonë mbrëmjen e të enjtes nipin e tij, Jak Jaku, i cili mendohet të jetë bashkëpunëtor i dyshuar në vrasjen e oficerit të lartë të policisë së shtetit. Të dy të dyshuarit do të vihen në dispozicion të Prokurorisë së Krimeve të Rënda për t’i marrë në pyetje dhe sqaruar pozicionin e tyre rreth kësaj ngjarje. Ndërkaq me interes është edhe dalja e tij përpara togave të zeza të gjykatës së krimeve të rënda për t’u njohur njëherë me masën e sigurisë që kjo gjykatë ka marrë, dhe më pas për nisjen e procesit gjyqsorë në ngarkim të tij.

Arben Frroku, vëllai i deputetit të Kuvendit të Shqipërisë Mark Frroku, është i dyshuari kryesor i akuzës për atentatin e 24 shkurtit, ku Dritan Lamaj u vra përpara banesës së tij pranë KESH-it.

Zh.