Shkarkohen të gjithë zëvendësdrejtorët e Krimeve të Rënda

Ndryshime të tjera janë bërë në kupolën e Policisë së Shtetit, ku rreth 12 zv/drejtorë të hetimit të Krimeve të Rënda janë shkarkuar nga detyra. Urdhri është firmosur ditën e sotme, ku të gjithë zv/drejtorëve të hetimit të Krimeve të Rënda, në të 12 drejtoritë e policive në 12 qarqe u është komunikuar sot shkarkimi nga detyra. Ky vendim ka ardhur pas ndryshimeve në strukturën e Policisë së Shtetit dhe emërimit të drejtorëve të rinj të policisë në të gjitha qarqet e vendit. Nuk dihen emrat e shefave të ri të hetimit të krimeve, ndërkohë që lajmi për shkarkimin e zv/drejtorëve të hetimit të Krimeve të Rënda nuk është bërë zyrtar.

Ndërkohë po sot është rikthyer në policinë e shtetit Bilbil Mema, ish-drejtori i Policisë së Shtetit në vitet, 2000-2004, në postin e drejtorit të Drejtorisë së Studimeve Strategjike. Vendimi është marrë gjatë ditës së sotme nga Drejtori i Policisë së Shtetit.

Zh.