Basha armatos fjalorin: Dje me kobure, sot me thika

Kreu i PD-së, Lulzim Basha, tha se PD do të shpalosë nesër në Kuvend qëndrimin në lidhje me shtyrjen e hyrjes në fuqi të ligjit për nëpunësit civilë. Në përfundim të mbledhjes së grupit parlamentar, Basha tha në një deklaratë për media:  “Rama i nguli thikën konsensusit. Kjo që po bëjnë me konsensusin është një pabesi burracakësh. Demokratët janë të indinjuar nga qeverisja e Ramës. Ne i kemi potencialet për të përballur revanshin e vjetërsirave që po përpiqet të riciklojë Rama..." etj.

Nje dite me pare Basha, doli sot me një deklaratë publike, me anë të së cilës e konsideronte “antikushtetues dhe arbitrar” vendimin e djeshëm të qeverisë “Rama”  për statusin e nëpunësit civil: “Mbrëmë konsensusi politik u shkelmua për vdekje me kobure. Kryeministri Rama vuri para interesat vetjake meskine dhe hodhi poshtë konsensusin unanim që ua rrit për ligjin e “Nëpunësit Civil” që vetëm 4 orë donte dhe hynte në fuqi”, tha ai.Bie në sy gjuha, dje me armë zjarri sot me armë të ftohta. a.n.