Djali i Remzi Hoxhës: Po nuk gjetëm drejtësi, do ta vendosim vetë

“Do të kërkojmë drejtësi në instanca ndërkombëtare, po nuk gjetëm  dhe atje, i  kthehemi drejtësisë popullore të Lekë Dukagjinit”. Kjo deklaratë është e

Ardian Hoxhës , djali i Remzi Hoxhës , shqiptaro-maqedonasit të rrëmbyer e zhdukur 18 vite më parë, në një intervistë për Gazetën Shqiptare.

Ardiani akuzon sërish se maxhoranca e kaluar sot në opozitë ka gisht në zhdukjen e babait të tij, por shpreson që kryeministri i ri Rama  të bëjë drejtësi.

“Sali Berisha na mori fytyrën para gjithë botës. Të shohim çfarë do na sjellë lidershipi i ri i shtetit të Shqipërisë. Sali Berisha ishte edhe urdhërdhënësi i vrasjes së babait tim, edhe mbrojtësi më i madh i kriminelëve të tij, të cilët e ekzekutuan vrasjen  pa marrë parasysh se ishte kryeministër dhe personi që duhet ta vërë drejtësinë në vend. Të shohim tani a i kishte Edi Rama seriozisht premtimet e tij parazgjedhore për luftimin e krimit dhe zgjidhjen e katër rasteve të mëdha që rëndojnë Shqipërinë, apo ishin vetëm fjalë  boshe për të fituar zgjedhjet. Edi Rama e ka shumë të lehtë sepse është edhe  kryeministër, dhe nuk është i përfshirë në rastin në fjalë. Të shohim a do sjellë Edi Rama drejtësi në Shqipëri , apo do të vazhdojë  shtrembësinë e Sali Berishës”, thekson Hoxha.

a.k