Vetëdorëzohet Kristos Papas i Agimit të Artë, me origjinë nga një zonë e banuar me shqiptarë

Është vetëdorëzuar në polici, deputeti neonazist Kristos Papas që sipas mediave njihet në Greqi edhe si “kamzhiku i artë”. Papas, njofton Shqiptarja, ka ardhur me një taksi dhe kur ka zbritur përpara policisë në Athinë për t'u dorëzuar, ka thirrur: "Agimi i Artë do të jetojë përgjithmonë. Rroftë vendi!". Në momentin që ka hyrë në ambientet e komisariatit të policisë, ai ka përshëndetur si Hitleri.

Mediat e trajtuan si neonazist me origjinë shqiptare, sepse ai vërtet ka lindur në vitin 1962 në Athinë, por origjina e tij është nga fshati Lipa që i përket zonës së Lakka të Sulit, krahinë që historikisht është banuar dhe banohet nga arvanitas ose grekë me origjinë shqiptare. Fshati Lipa, nga është origjina e vërtetë e familjes Kristo Papa, është themeluar si fshat midis shek. 16-17 nga suljotët dhe ndodhet 51 km larg qytetit të Janinës. Lipa ka rreth 50 banorë sot dhe i përket komunës së Sellon të Bashkisë së Janinës. Ka një kala të vjetër dhe një kishë.

Ne.su.