Berisha del prapë nga salla

Ne seancen e sotme te Kuvendit, deputeti ish-kryeminister Berisha i bëri thirrje mazhorancës të mos shtyjë hyrjen në fuqi të Ligjit për Shërbimin Civil. Fjalet e Berishes sipas TCH:  "Zoti bashkëkryetar i mazhorancës, një alarm i madh që bie, një vendosmëri të bashkëkryetarit Rama për të shtyrë me cdo kusht statusin nga muaji dhjetor, vetëm e vetëm për të mos iu atribuar Partisë Demokratike dhe qeverisë së saj. Zoti bashkëkryetar keni emëruar këto ditë në krye të Departamentit të Administratës Publike, njeriun besnik të bashkëkryetarit tjeter. Keni 50 për qind të punonjësve në atë Departament, socialistë të thekur, por njerëz të ndershëm, të zotë, të aftë që kanë shërbyer me dinjitet të madh tetë vite", tha Berisha.
Ironizon Meta: "E vlerësoj shumë shqetësimin tuaj, bashkëkryetar i opozitës, për t'u ndalur dorën e socialistëve që kanë ardhur në pushtet që të mos heqin socialistët që ju i keni mbajtur në administratë".

Ai shkoi edhe më tej kur tha se nuk do e zbatojë rregulloren e Kuvendit për Berishën, që nënkupton se ai do të flasë sa herë të dojë. Pas këtij debati, Sali Berisha u largua nga salla e Kuvendit. a.n.