Sa portofolë do ktheheshin mbrapsht në Tiranë?

Do ta merrnit një kuletë të mbushur me para që e keni gjetur në rrugë? Apo do ta kthenit te pronari, identiteti i të cilit fshihet brenda saj? Këto janë pyetje për të cilat është përpjekur ta gjejë përgjigjen revista ndërkombëtare “Readers’s Digest” gjatë një eksperimentimi, duke hedhur nga 12 kuleta në parqe, kalime të këmbësorëve, dhe afër qendrave tregtare, në 16 qytete në gjithë botën.
Në secilën kuletë kishte 50 dollarë amerikanë, (në monedhë lokale), fotografi personale dhe numri i telefonit. Revista ka konstatuar se kryeqyteti i Finlandës, Helsinki, kishte numrin më të madh të njerëzve të ndershëm. Njëmbëdhjetë prej 12 kuletave të hedhura në Helsinki, u kthyen prapa te “pronarët” e tyre. Qyteti ku njerëzit më së paku i kthyen kuletat ishte Lisbona e Portugalisë, ku vetëm një kuletë prej 12 sa ishin hedhur, eshte kthyer. Per ironi edhe kjo kuletë e gjetur ishte kthyer nga një çift nga Holanda, që ishte për vizitë në Portugali. Në përgjithësi, 47% e kuletave janë kthyer. Të tjerat, pra pak më tepër se gjysma, 53%, janë mbajtur nga njerëzit, që i gjetën. Eksperimenti ka zbuluar shkaqet që i shtyjnë njerëzit t’i kthejnë kuletat e gjetura, por jo për çfarë arsye ata që i mbajtën kuletat, e kanë bërë këtë. a.n.

http://www.rd.com/slideshows/most-honest-cities-lost-wallet-...