Kristo Frashëri: Kryepeshkopi Janullatos, përpjekje haxhiqamiliste për të manipuluar publikun e krishterë

P { margin-bottom: 0.08in; }

Historiani dhe akademiku Kristo Frashëri shkruan sërish sot te GSH në lidhje me Krepeshkopin Janullatos dhe rastin e Kishës së Përmetit, duke e akuzuar për veprime “haxhiqamiliste”. Frashëri hedh poshtë atë që ai e quan “apologjia e tretë” e Kryepeshkopit. Ai e akuzon se “për të hipnotizuar publikun e krishterë ortodoks, brenda dhe jashtë Shqipërisë, Kryepeshkopi Janullatos përdor në Apologjinë e tretë fraza të stilit bulevardesk për ët krijuar përshtypjen se në Përmet më 16 gusht 2013 u përsëritën për Kishën Ortodokse të Shqipërisë ngjarjet apokaliptike të vitit 1967.”

Frashëri i referohet pjesëve të Apologjisë ku pretendohet nga Kryepeshkopi për “skena të persekutimit ateist”: “...një sakrilegj i rëndë. Rreth njëzet burra të një policie private shembën kambanoren e thjeshtë sipër të cilës ndodhej Kryqi, hynë brenda kishës me dhunë, goditën katër klerikë shqiptarë dhe besimtarët, hoqën ikonat, morën gurin e themelit të kishës dhe hodhën Ungjillin e Shenjtë dhe Enët e Shenjta në makinën e mbledhjes së mbeturinave të Bashkisë.”

Shpifje nga ato të pazareve të Gadishullit të Ballkanit e dhe të Greqisë, shkruan Frashëri, madje, të dala nga goja e një prelati, janë “shpifje monstruoze”. Asgjë nga ato nuk ka ndodhur, dhe termi “sakrilegj” nuk mund të përdoret për Shtëpinë e Kulturës, përderisa gjurmët e Kishës nga aty janë zhdukur. Për Frashërin, këto shpifje haxhiqamiliste kanë dhe si synim ta shpëtojnë Kryepeshkopin nga përgjegjësia penale. Frashëri analizon filmimin e ngjarjes dhe e krahason me fjalët e Kryepeshkopit, për të argumentuar pse ato që ai shkruan janë trillime.

k.c.